Kanz al-Ummal: Hadith 37889

٣٧٨٧٦۔۔۔ یزید بن عمروبن مسلم الخزاعی (رض) ثم المصطلقی کہتے ہیں : مجھے میرے والد نے اپنے والد سے نقل کرکے بیان کیا وہ یعنی مسلم الخزاعی (رض) کہتے ہیں کہ میں رسول اللہ (صلی اللہ علیہ وآلہ وسلم) کے پاس حاضر خدمت تھا تو میں نے آپ (صلی اللہ علیہ وآلہ وسلم) کو سوید بن عامر المصطلقی کا قول سنایا :
لا تامنن وان امسیت فی حرم۔ ان المنایا یجنی کل انسان۔
مطمئن مت ہوجا خواہ تو حرم میں ہو، بیشک امیدیں ہر انسان کو گناہ میں ڈال دیتی ہیں۔
فاسلک طریقک نمشی غیر مختشع۔ حتی تلاقی ماتمنی لک المانی۔
پس اپنے راستے پر چلتا رہ بغیر عاجزی کئے ہوئے حتی کہ تو ان امیدوں کو پالے جو کسی نے تیرے لیے لگا رکھی ہیں۔
فکل ذی صاحب یوماً مفارقہ۔ وکل زاد وان ابقیتہ فان۔
پس ہر دوست رکھنے والا ایک دن اس سے بچھڑے گا اور ہر توشہ خواہ تو اس کو کسی طرح باقی رکھ مگر وہ ختم ہونے والا ہے۔
والخیر والشر مجموعان فی قرن۔ (بکل ذلک یاتیک الجدیدان) ۔
خیر اور شر ایک ہی زمانے میں ساتھ ساتھ ہیں ہر ایک اپنا اپنا صلہ رکھتا ہے۔
یہ اشعار سن کر رسول اللہ (صلی اللہ علیہ وآلہ وسلم) نے ارشاد فرمایا : اگر یہ شاعر مجھے پالیتا تو ضرور مسلمان ہوجاتا۔ دوسرے الفاظ یہ ہیں کہ اگر میں اس کو پالیتا تو یہ ضرور مسلمان ہوجاتا۔ (الزھد للبیھقی ابن عساکر)