Kanz al-Ummal: Hadith 37896

٣٧٨٨٤۔۔۔ کریب روایت کرتے ہیں مرۃ البہزی (رض) سے انھوں نے رسول (صلی اللہ علیہ وآلہ وسلم) سے سنا آپ نے ارشاد فرمایا :
میری امت میں سے ایک جماعت حق پر قائم رہے گی، جو بھی ان سے برسر پیکار ہوگا وہ اس پر غالب رہے گی، اور وہ کھانے والوں کے درمیان برتن کی طرح ہوگی، حتی کہ اللہ کا حکم آجائے اور وہ اسی حال پر رہیں گے۔ مرۃ (رض) فرماتے ہیں ہم نے عرض کیا یا رسول اللہ ! یہ جماعت کن لوگوں کی ہوگی اور یہ لوگ کہاں ہوں گے ؟ حضور اکرم (صلی اللہ علیہ وآلہ وسلم) نے ارشاد فرمایا : وہ لوگ بیت المقدس کے اطراف واکناف میں ہوں گے۔
راوی کہتے ہیں : مجھے کسی نے بیان کیا ہے کہ رملۃ وہ ربوۃ ہے جو مغرب ومشرق کی طرف جاتی ہے۔ (رواہ ابن عساکر)