Kanz al-Ummal: Hadith 37898

٣٧٨٨٦۔۔۔ (مسند معاذ (رض)) رسول اللہ (صلی اللہ علیہ وآلہ وسلم) نے نماز پڑھی اور خوب لمبی نماز پڑھی، جب نماز سے فارغ ہوئے تو میں نے عرض کیا : یا رسول اللہ ! آج آپ نے نماز بہت لمبی کردی ؟ آپ (صلی اللہ علیہ وآلہ وسلم) نے ارشاد فرمایا : یہ ڈر اور شوق کی نماز تھی۔ اور میں نے اللہ سے اپنی امت کے لیے (اس نماز میں) تین دعائیں کی تھیں۔ اللہ نے دو دعائیں تو قبول فرمالیں اور ایک رد فرمادی۔ میں نے اللہ سے دعا کی تھی کہ میری امت پر کوئی غیر دشمن مسلط نہ فرمائے اللہ پاک نے میری یہ دعا قبول فرمائی، نیز میں نے دعا کی کہ ان کو (طوفان نوح کی طرح) بالکل غرق نہ کردے، اللہ پاک نے یہ دعا بھی قبول فرمائی۔ نیز میں نے اللہ سے یہ دعا بھی کی تھی کہ ان کے درمیان آپس میں لڑائی جھگڑے نہ ہوں لیکن یہ دعا رد کردی گئی۔ (مصنف ابن ابی شیبہ، مسند احمد، ابن ماجہ، الکبیر للطبرانی) ۔