Kanz al-Ummal: Hadith 37902

٣٧٨٩٠۔۔۔ مکحول (رح) حضرت معاویہ بن ابی سفیان (رض) سے روایت کرتے ہیں۔
انھوں نے منبر پر خطبہ دیتے ہوئے ارشاد فرمایا : میں نے رسول اللہ (صلی اللہ علیہ وآلہ وسلم) کو ارشاد فرماتے ہوئے سنا ہے :
اے لوگو ! علم سیکھنے کے ساتھ ہے، فقہ (تفقہ) سمجھ بوجھ کے ساتھ ہے اور اللہ پاک جس کے ساتھ بھلائی کا ارادہ کرتا ہے اس کو دین میں سمجھ بوجھ عطا فرما دیتا ہے۔ اور بیشک اللہ کے بندوں میں سے علم والے ہی اللہ سے ڈرتے ہیں، اور میری امت کا ایک گروہ حق پر رہے گا اور لوگوں پر غالب رہے گا، وہ مخالفت کرنے والوں کی پروا نہ کریں گے اور نہ مقابلہ کرنے والوں کو خاطر میں لائیں گے حتی کہ اسی برتر حال پر رہتے ہوئے ان کے پاس اللہ کا فیصلہ آجائے گا۔ (رواہ ابن عساکر)