Kanz al-Ummal: Hadith 37933

٣٧٩٢١۔۔۔ حضرت ابن عمر (رض) سے مروی ہے، فرمایا : ہم ایک دن طلوع شمس کے وقت رسول اللہ (صلی اللہ علیہ وآلہ وسلم) کے پاس حاضر خدمت تھے۔ آپ (صلی اللہ علیہ وآلہ وسلم) نے ارشاد فرمایا : عن قریب میری امت کے کچھ لوگ قیامت کے دن اس حال میں آئیں گے کہ ان کا نور سورج کی روشنی کی طرح ہوگا۔ ابن عمر (رض) فرماتے ہیں ہم نے عرض کیا : یا رسول اللہ ! یہ لوگ کون ہوں گے ؟ آپ (صلی اللہ علیہ وآلہ وسلم) نے فرمایا : فقراء مہاجرین، جن کے ذریعے مشکلات کو دفع کیا جاتا ہے (جنگوں میں اور مشکل مواقع پر) اور ان میں سے کوئی مرتا ہے تو اپنی آرزوئیں اپنے سینے میں لے کر چلا جاتا ہے۔ یہ لوگ زمین کے اطراف واکناف سے قیامت کے روز اکٹھے ہوں گے۔ (رواہ ابن النجار)