Kanz al-Ummal: Hadith 37946

٣٧٩٣٤۔۔۔ حارث بن زیاد الساعدی (انصاری (رض)) سے مروی ہے کہ میں غزوہ خندق کے موقع پر حضور نبی اکرم (صلی اللہ علیہ وآلہ وسلم) کی خدمت میں حاضر ہوا۔ (آپ (صلی اللہ علیہ وآلہ وسلم) لوگوں سے ہجرت (مدینہ) پر بیعت لے رہے تھے۔ ہمیں یہ خیال ہوا کہ آپ لوگ بیعت کے لیے بلا رہے ہیں۔ چنانچہ میں نے عرض کیا :
یا رسول اللہ ! اس کو بھی ہجرت پر بیعت فرمالیجئے۔ آپ (صلی اللہ علیہ وآلہ وسلم) نے پوچھا : کس کو ؟ میں نے عرض کیا : یہ میرا چچا زاد ہے حوط بن یزید یا یزید بن حوط فرمایا۔ رسول اللہ (صلی اللہ علیہ وآلہ وسلم) نے ارشاد فرمایا : میں تم سے (ہجرت پر) بیعت نہیں لے سکتا، کیونکہ لوگ تو ہجرت کرکے تمہاری طرف (مدینے) آتے ہیں جب کہ تم ہجرت کرکے ان کے پاس نہیں جاتے۔ قسم ہے اس ذات کی جس کے قبضہ قدرت میں میری جان ہے ! (تم) انصار سے کوئی شخص محبت نہیں کرتا مگر وہ ضرور اللہ سے اس حال میں ملاقات کرے گا کہ اللہ پاک اس سے محبت کرتے ہوں گے۔ اور کوئی شخص انصار سے بغض نہیں رکھتا مگر وہ اللہ سے اس حال میں ملاقات کرے گا کہ اللہ پاک بھی اس سے بغض (نفرت) رکھتے ہوں گے۔ (مسند احمد، التاریخ للبخاری، ابن ابی خیثمہ، ابو عوانۃ، البغوی، الکبیر للطبرانی، ابونعیم)