Kanz al-Ummal: Hadith 37989

٣٧٩٧٧۔۔۔ (مسند عمر (رض)) حسن بصری (رح) سے مروی ہے کہ حضرت عمر (رض) نے مہاجرین قریش کے لوگوں پر دوسروں شہروں میں جانے پر پابندی عائد کردی تھی الایہ کہ کوئی مقررہ مدت تک کے لیے اجازت لے کرجائے۔ چنانچہ قریش نے اس کی شکایت کی۔ یہ بات حضرت عمر (رض) کو پہنچی تو حضرت عمر (رض) (لوگوں کے سامنے) کھڑے ہوئے اور ارشاد فرمایا :
(خبردار ! سنو اسلام ایک اونٹ کی مانند ہے جو پہلے بچہ تھا، پھر وہ ثنائی (دو دانتوں والا) ہوا پھر رباعی (چاردانتوں والا) ہوا پھر سداسی (چھ دانتوں والا) ہوا پھر بازل (نویں سال میں داخل) ہوگیا اور اونٹ کی یہ عمر (جوانی والی) نقصان ہی لاتی ہے۔
اب اسلام جوان ہوچکا ہے اور سنو قریش چاہتے ہیں کہ اللہ کے مال کو دوسرے بندوں کے مقابلے ہتھیار لیں۔ خبردار ابن الخطاب کے زندہ ہوتے ہوئے ایسا ہونا ناممکن ہے۔ میں حرۃ گھاٹی (مدینے سے نکلنے کے راستے) پر کھڑا ہوں اور قریش کو ان کی گردنوں اور کمروں سے پکڑرہاہوں۔
جہنم میں اوپر نیچے گرنے سے بچانے کے لئے۔ ( سیف ، ابن عساکر)