Kanz al-Ummal: Hadith 4031

4031: ابو القاسم خضر بن حسن بن عبداللہ، ابو القاسم بن ابی علی، بن محمد جبائی، ابو نصر عبدالوہاب بن عبداللہ، ابو محمد عبداللہ بن احمد بن جعفر النہاوند المقری المکی، ابو علی حسین بن بندار، ابوبکر بن محمد بن عمرو بن حفص بن عبید الطنافسی، ابو عمرو المقری حفص بن عمرو الدوری، سواء بن حکم، حماد بن سلمہ، ثابت کی سند کے ساتھ حضرت انس (رض) سے مروی ہے کہ رسول اللہ (صلی اللہ علیہ وآلہ وسلم) نے ارشاد فرمایا اے حاملین قرآن ! آسمانوں والے اللہ کے پاس تمہارا ذکر کرتے ہیں پس تم اللہ کی کتاب کو زیادہ سے زیادہ حاصل کرکے اللہ کے ہاں محبوبیت کا درجہ حاصل کرو۔ وہ تم سے محبت کرے گا اور اپنے بندوں کے ہاں تم کو محبوب کردے گا۔ اے حاملین قرآن ! تم اللہ کی رحمت کو خصوصیت کے ساتھ پانے والے ہو، کلام اللہ کو سکھانے والے ہو، اور اللہ کا قرب پانے والے ہو۔ جس نے اہل قرآن سے دوستی کی اس نے اللہ سے دوستی کی جس نے ان کے ساتھ دشمنی کی اس نے اللہ سے دشمنی کی۔ قرآن کے قاری سے دنیا کی مشقت و مصیبت دفع کردی جاتی ہے اور قرآن سننے والے سے آخرت کی مصیبت دفع کردی جاتی ہے۔ پس اے حاملین قرآن ! قرآن کو زیادہ حاصل کرو اور اللہ کے ہاں محبوب بن جاؤ اور اس کے بندوں کے ہاں بھی محبت پاؤ۔