Kanz al-Ummal: Hadith 4041

4041: (مراسیل محمد (رح) بن علی (رض) بن حسین (رض)) ابو جعفر محمد بن علی رحمۃ اللہ فرماتے ہیں : جب بھی دو آدمی حسب و نسب اور دینداری میں برابر ہوتے ہیں تو ان میں عنداللہ افضل زیادہ ادب کرنے والا ہوتا ہے۔ (یعنی لوگوں کے نزدیک بھی مودب اور عبادات میں بھی مودب)
ابو جعفر سے پوچھا گیا : کہ اس کا ادب تو لوگوں کے نزدیک محفل و مجلس و معتبر ہوتا ہے، اللہ عزوجل کے ہاں فضیلت کس بناء پر حاصل ہوئی ؟ فرمایا : وہ قرآن کو ادب کے ساتھ اسی طرح پڑھتا ہے جس طرح وہ نازل ہوا اور اسی طرح صاف صاف الفاظ کے ساتھ وہ اللہ سے دعا بھی کرتا ہے چونکہ بسا اوقات آدمی غلط پڑھ جاتا ہے تو اللہ کے پاس اس کا عمل نہیں پہنچتا۔ رواہ ابن عساکر۔