Kanz al-Ummal: Hadith 4059

4059: حضرت علی (رض) فرماتے ہیں : میں کسی کو عقل مند نہیں سمجھتا جب تک کہ وہ ہر رات آیۃ الکرسی نہ پڑھے۔ اگر تم کو معلوم ہوجاتا کہ اس میں کیا کچھ ہے تو تم کبھی اس کو نہ چھوڑتے۔ بیشک رسول اللہ (صلی اللہ علیہ وآلہ وسلم) کا ارشاد ہے : مجھے آیۃ الکرسی عرش کے نیچے خزانے سے عطا کی گئی ہے اور مجھ سے پہلے کسی نبی کو عطا نہیں کی گئی۔ حضرت علی (رض) فرماتے ہیں : پس میں نے جب رسول (صلی اللہ علیہ وآلہ وسلم) سے یہ فرمان سنا تب سے اس کو پڑھے بغیر کبھی کوئی رات نہیں گزاری۔ (الدیلمی، شیخ شیوخنا الحافظ شمس الدین بن الجزری فی کتاب اسنی المطالب فی مناقب علی بن ابی طالب مسلسلا)
کلام : اس روایت کا ہر راوی کا کہنا ہے کہ جب سے میں نے یہ روایت سنی ہے کسی رات اس کو نہیں چھوڑا۔ اور یہ روایت صالح الاسناد ہے۔ اللہ پاک ہم کو بھی اس روایت کے تسلسل اور اس کی لڑی میں ایک مہرہ بنا دے۔ آمین۔