Kanz al-Ummal: Hadith 4227

4227: حضرت عمر (رض) نے ایک مرتبہ دریافت فرمایا : تمہارا کیا خیال ہے یہ آیت کس بارے میں نازل ہوئی :
ایود احدکم ان تکون لہ جنۃ من نخیل واعناب الخ (البقرہ : 266، مکمل آیت)
بھلا تم میں کوئی یہ چاہتا ہے کہ اس کا کھجوروں اور انگوروں کا باغ ہو جس میں نہریں بہہ رہی ہوں اور اس میں اس کے لیے ہر قسم کے میوے موجود ہوں اور اسے بڑھاپا آپکڑے اور اس کے ننھے منے بچے بھی ہوں تو (اچانک) اس باغ پر آگ بھرا ہوا بگولہ جلے اور وہ جل ( کر راکھ کا ڈھیر و) جائے اس طرح خدا تم سے اپنی آیتیں کھول کھول کر بیان فرماتا ہے تاکہ تم سوچو (اور سمجھو)
لوگوں نے جواب دیا : اللہ زیادہ جانتا ہے۔ یہ سن کر حضرت عمر (رض) غضبناک ہوگئے۔ پھر فرمایا : یوں کہو : ہم جانتے یں یا نہیں جانتے۔ حضرت ابن عباس (رض) نے عرض کیا : میرے دل میں اس سے متعلق کچھ بات ہے امیر المومنین ! حضرت عمر (رض) نے فرمایا : یہ اس مالدار کی مثال ہے جو اچھے اور نیک عمل کرے پھر اللہ اس کے پاس شیطان کو بھیجے اور وہ برے اعمال میں غرق ہوجائے اور اس کے تمام نیک اعمال تباہ و برباد ہوجائیں۔ ابن المبارک فی الزھد، عبد بن حمید، ابن جریر، ابن ابی حاتم، مستدرک الحاکم)