Kanz al-Ummal: Hadith 4228

4228: حضرت ابن عباس (رض) سے مروی ہے کہ ایک مرتبہ حضرت عمر بن خطاب رضی الہ عنہ نے فرمایا : میں نے گزشتہ رات یہ آیت ایود احدکم ان تکون (البقرہ : 266) پڑھی اور اس نے رات کو مجھے جگا کر رکھا۔ بتاؤ اس سے کیا مراد ہے ؟ حاضرین میں سے کسی نے کہا : اللہ زیادہ جانتا ہے۔ حضرت عمر (رض) نے فرمایا میں جانتا ہوں کہ اللہ زیادہ جانتا ہے۔ میرے پوچھنے کا مطلب ہے کہ اگر کسی کو اس کے بارے میں کچھ علم ہو اور اس نے اس کے متعلق کچھ سنا ہو تو وہ بتائے۔ لیکن تمام لوگ خاموش رہے۔ ابن عباس (رض) فرماتے ہیں حضرت عمر (رض) نے مجھے دیکھا کہ میں کچھ کہنا چاہتا ہوں۔
چنانچہ حضرت عمر (رض) نے مجھے فرمایا : اے بھتیجے ! کہو اور اپنے آپ کو حقیر مت خیال کرو۔ میں نے عرض کیا : اس سے اعمال مراد ہے۔ فرمایا اور اس عمل سے کیا مراد ہے ؟ میں اپنے دل میں آنے والی کہنا چاہتا تھا مگر حضرت عمر (رض) نے فرمایا : اے بھتیجے ! تو نے سچ کہا : اس سے عمل مراد ہے۔ ابن آدم بڑھاپے میں اس کے اہل و عیال زیادہ ہوجاتے ہیں تو وہ باغات (اور مال و دولت) کا زیادہ محتاج ہوجاتا ہے اور اسی طرح وہ قیامت کے دن اپنے اعمال کا بہت زیادہ محتاج ہوگا۔ تو نے سچ کہا، بھتیجے ! ) عبد بن حمید، ابن المنذر۔ (
فائدہ : یعنی جس طرح انسان اپنے بڑھاپے میں جب وہ کمانے سے محتاج ہوتا ہے اور اہل و عیال کی کثرت ہوتی ہے تو وہ مال و دولت کا زیادہ محتاج ہوتا ہے اب اگر اس کا مال و دولت تباہ ہوجائے تو اس کا کیا حال ہوگا یونہی انسان دنیا میں نیک اعمالوں کو بد اعمالوں کی بھینٹ چڑھا دے تو قیامت کے دن وہ مفلس کیا کرے گا جبکہ اس دن عمل کی اشد ضرورت ہوگی۔