Kanz al-Ummal: Hadith 4351

4351: ۔۔ ابو العالیہ سے مروی ہے ہم لوگ حضرت عمر بن خطاب (رض) کی مجلس میں تھے کہ لوگوں نے اسی آیت کا ذکر کیا۔ الیوم اکملت لکم دینکم۔ ایک یہودی شخص نے کہا : اگر ہم کو معلوم ہوجاتا یہ آیت کس دن نازل ہوئی تو ہم اس دن کو یوم العید بنا لیتے۔
حضرت عمر (رض) نے فرمایا : تمام تعریفیں اللہ ہی کے لیے ہیں جس نے اس دن کو ہمارے لیے (پہلے ہی سے) عید کا دن اور سب سے پہلا دن بنادیا۔ یہ عرفہ کے دن نازل ہوئی تھی اس سے اگلا دن قربانی کا دن تھا ۔ پس اللہ نے اس دن اپنا امر دین کامل اور مکمل کردیا اور ہم نے بھی جان لیا کہ اس (دن ) کے بعد (دین کا) معاملہ کمی ہی کا شکار وگا۔ ابن راھویہ، عبد بن حمید۔
فائدہ : ۔۔ عرفہ کا دن ہمارے لیے بڑی عید کا پیش خیمہ ہے اور اسی دن جمعہ کا دن تھا جو تخلیق میں سب سے اول دن ہے اور فضیلت میں تمام دنوں کا سردار ہے اور یہ جو فرمایا کہ اس کے بعد دین کمی کا شکار وگا۔ کیونکہ ہر شے تکمیل کے بعد فورا زوال کی طرف دوڑنا شروع ہوجاتی ہے جس طرح چاند چودھویں رات کو مکمل ہوتے ہی گھٹنا شروع ہوجاتا ہے۔ اور آج تک دین میں کس قدر کمی واقع ہوچکی ہوگی ۔ اللھم احفظنا فی دیننا۔