Kanz al-Ummal: Hadith 4400

4400: ۔۔ حضرت علی (رض) فرماتے ہیں جب سورة توبہ کی (ابتدائی) دس آیات نازل ہوئیں تو حضور نبی کریم (صلی اللہ علیہ وآلہ وسلم) نے حضرت ابوبکر (رض) کو بلایا اور یہ آیات دے کر بھیجا کہ جا کر اہل مکہ کو سناؤ۔ پھر نبی کریم (صلی اللہ علیہ وآلہ وسلم) نے مجھے بلایا اور فرمایا : ابوبکر سے جا کر ملو جہاں بھی وہ ملیں، بلکہ جبرائیل (علیہ السلام) میرے پاس تشریف لائے تھے انھوں نے فرمایا یہ پیغام یا تو آپ کو پہنچانا ہوگا یا آپ (کے خاندان) سے کوئی شخص پہنچائے گا۔ (ابو الشیخ ، ابن مردویہ)
فائدہ : ۔۔ سورة برائت کی ابتدائی دس آیات میں مشرکین کو حرم مکہ میں داخل ہونے سے روکا گیا ہے۔ ان سے جو جو معاہدات ہوئے تھے، اسلام کی کمزوری کی حالت میں ان سے متعین مدت کے بعد اللہ و رسول کی برأت ہے، اس طرح کے احکامات ہیں جن سے جزیرہ عرب سے مشرکین کا انخلاء شروع ہوگیا تھا، اور وہ سرزمین کفر و شرک سے پاک ہونا شروع ہوگئی تھی۔ الحمد للہ الذی بنعمتہ تتم الصالحات۔