Kanz al-Ummal: Hadith 44090

44077 کیا میں تمہیں ایک ایسی چیز کے متعلق خبر نہ دوں جس کا حکم نوح (علیہ السلام) نے اپنے بیٹے کو دیا تھا، چنانچہ نوع (علیہ السلام) نے اپنے بیٹے سے فرمایا : اے بیٹے ! میں تمہیں دو چیزوں کا حکم دیتا ہوں اور چیزوں سے روکتا ہوں، میں تمہیں حکم دیتا ہوں کہ تم کہو : اللہ تعالیٰ کے سوا کوئی عبادت کے لائق نہیں، اس کا کوئی شریک نہیں زندہ کرتا ہے اور وہی مارتا ہے اور وہ ہر چیز پر قادر ہے اگر آسمانوں اور زمین کو ایک پلڑے میں رکھ دیا جائے اور دوسرے پلڑے میں اس کلمہ کو رکھ دیا جائے تو کلمے والا پلڑا جھک جائے گا، اے بیٹے میں تمہیں حکم دیتا ہوں کہ تم کہو : سبحان اللہ وبحمدہ چونکہ یہ کلمات مخلوق کی نماز ہے، مخلوق کی تسبیح ہے اور انہی کے ذریعے مخلوق کو رزق عطا کیا جاتا ہے ، اے بیٹے میں تمہیں شرک سے منع کرتا ہوں چونکہ جو شخص شرک کا مرتکب ہوتا ہے اس کے دل میں رائی کے دانہ کے برابر بھی تکبرہو اس پر جنت حرام کردی جاتی ہے۔ حضرت معاذ ابن جبل (رض) نے عرض کیا : یارسول اللہ ! یہ چیز بھی تکبر میں سے ہے کہ ہم میں سے کسی شخص کے پاس سواری ہو وہ اس پر سوار ہوتا ہے وہ جوتے اور کپڑے پہنے ہوئے ہو اور اس کے ساتھی اس کے پاس کھانا لاتے ہوں ؟ آپ (صلی اللہ علیہ وآلہ وسلم) نے ارشاد فرمایا : یہ تکبر نہیں ہے، لیکن تکبر یہ ہے کہ تم حق کو چھوڑ دو اور مومن کو حقیر سمجھو، میں تمہیں چند ایسی عادات بتاؤں گا جس میں یہ ہوں گے وہ متکبر نہیں ہوسکتا۔ (وہ یہ ہیں) بکریاں پالنا، گدھے پر سواری کرنا، اون کے کپڑے پہننا، فقراء مومنین کے ساتھ اٹھنا بیٹھنا اور اپنے اہل و عیال کے ساتھ مل کر کھانا کھانا۔ رواہ عبدبن حمید وابن عساکر عن جابر وابویعلیٰ والبیہقی وابن عساکر عن ابن عمرو