Kanz al-Ummal: Hadith 44204

44191 حسن کی روایت ہے کہ حضرت عمر بن خطاب (رض) کے پاس ایک آدمی آیا اور کہنے لگا : اے امیر المومنین ! میں اہل دیہات میں سے ہوں اور میری بہت ساری مشغولیات ہیں مجھے وصیت کیجئے جو میرے لیے قابل اعتماد ہو فرمایا : بات سمجھو ! مجھے اپنا ہاتھ دکھاؤ تو انھوں نے اپنا اتھ حضرت عمر (رض) کو تھما دیا فرمایا : اللہ تعالیٰ کی عبادت کرو اور اس کے ساتھ کسی کو شریک نہ ٹھہراؤ نماز پڑھو فرض زکوۃ دو حج وعمرہ کرتے رہو امیر کی اطاعت بجا لاؤ اور اپنی ظاہری حالت کو درست کرو باطنی امور کے ٹوہ مت لگاؤ ایسی چیز کو اپنے اوپر لازم کرلو جس کے ذکر ونشر سے تمہیں حیاء نہ آئے اور تمہیں رسواء نہ کرے ایسی چیز سے گریز کرو جس کے ذکر ونشر سے تمہیں حیاء آئے اور تمہیں رسوائی کا سامنا کرنا پڑے۔ دیہاتی بولا : اے امیر المومنین میں ان امور پر عمل کرتا رہوں گا اور جب رب تعالیٰ سے میری ملاقات ہوگی میں کہوں گا کہ ان امور کے متعلق مجھے عمر بن خطاب (رض) نے خبر دی تھی ، حضرت عمر (رض) نے فرمایا : ان کو اختیار کرو جب اپنے رب سے ملاقات کرو جو تمہارے دل میں آئے کہہ دو ۔ رواہ ابن عساکر