Kanz al-Ummal: Hadith 4567

4567: ۔۔ (ابو الدرداء (رض)) حضرت ابو الدرداء (رض) سے مروی ہے کہ میں نے رسول اللہ (صلی اللہ علیہ وآلہ وسلم) کو ارشاد ربانی :
فمنہم ظالم لنفسہ و منہم مقتصد و منہم سابق بالخیرات۔ فاطر 32
کے بارے میں ارشاد فرماتے ہوئے سنا :
سابق اور مقتصد بلا حساب جنت میں داخل ہوجائیں گے اور ظالم لنفسہ سے آسان حساب لیا جائے گا پھر وہ جنت میں داخل ہوگا۔ (البیہقی فی البعث)
فائدہ : ۔۔ سورة فاطر کے باب میں یہ تمام احادیث اسی مضمون پر مشتمل ہیں۔ اور امام بیہقی رحمۃ اللہ فرماتے ہیں۔ جب کسی حدیث پر روایات کثرت کے ساتھ آجائیں تو واضح ہوجاتا ہے کہ اس حدیث کی واقعی اصل ہے۔