Kanz al-Ummal: Hadith 45934

45922 زید بن اسلم کی روایت ہے کہ مجھے روایت پہنچی ہے کہ حضرت عمر (رض) کے پاس ایک عورت آئی اور کہنے لگی : اس کا شوہر اس سے ہمبستری نہیں کرپاتا۔ حضرت عمر (رض) نے پیغام بھیج کر عورت کے شوہر کو اپنے پاس بلایا اور اس سے یہی بات پوچھی، وہ بولا : میں بوڑھا ہوچکا ہوں اور میری قوت ختم ہوچکی ہے۔ حضرت عمر (رض) نے فرمایا : تم مہینے میں ایک مرتبہ اپنی بیوی سے ہمبستری کرسکتے ہو ؟ جواب دیا : مجھے اس سے زیادہ مدت چاہیے۔ حضرت عمر (رض) نے فرمایا : پھر کتنی مدت میں کرسکتے ہو ؟ بولا : میں ایک طہر میں ایک مرتبہ ہمبستری کرسکتا ہوں حضرت عمر (رض) نے عورت کو حکم دیا : چلی جاؤ، اتنی مدت میں عورت سے جو جماع کیا جاتا ہے وہ اس کے لیے کافی ہوتا ہے۔ رواہ عبدالرزاق