Kanz al-Ummal: Hadith 46166

46154 عمر بن عبدالعزیز کہتے ہیں میں نے مدینہ میں سنا ہے جب کہ اس وقت مدینہ میں مہاجرین و انصار کے مشائخ کی کثیر تعداد موجود تھی۔ یہ کہ نبی کریم (صلی اللہ علیہ وآلہ وسلم) کے باغات جو مخریق کے مال میں سے وقف کے لیے ہیں۔ مخریق نے کہا تھا : اگر میں نے جائیداد پائی تو وہ محمد (صلی اللہ علیہ وآلہ وسلم) کی ہوگی جہاں چاہیں اسے صرف کریں۔ چنانچہ مخریق غزوہ احد میں شہید کردیئے گئے رسول کریم (صلی اللہ علیہ وآلہ وسلم) نے ان کے متعلق فرمایا : مخریق یہود میں سب سے بہترین شخص ہیں عمر بن عبدالعزیز (رح) نے اس با غ سے کھجوریں منگوائیں چنانچہ ایک تھال میں کھجوریں لائیں گئیں پھر بولے : ابوبکر بن حزم نے مجھے خط لکھ کر خبر دی ہے کہ یہ کھجوریں اس درخت سے لائی گئی ہیں جو رسول کریم (صلی اللہ علیہ وآلہ وسلم) کے زمانہ میں تھا اور آپ (صلی اللہ علیہ وآلہ وسلم) اسی سے کھجوریں تناول فرماتے تھے۔ رواہ ابن عساکر