Kanz al-Ummal: Hadith 4649

4649: ۔۔۔ (مسند عمر (رض)) ابو یزید (رح) سے مرویے کہ حضرت عمر بن خطاب (رض) ایک خولہ نامی (بوڑھی عورت) سے ملے جو لوگوں کے ساتھ جا رہی تھی اس نے آپ کو روک کر کھڑا کرلیا۔ آپ بھی ٹھہر گئے اور اس کے قریب ہوگئے، اپنا سر اس کی طرف جھکا دیا اور اپنے ہاتھ اس کے کاندھوں پر رکھ دیے حتی کہ اس نے اپی بات پوری کی اور چلی گئی۔ ایک شخص نے کہا : یا امیر المومنین ! آپ نے قریش کے معزز لوگوں کو اس بڑھیا کی وجہ سے کھڑا کرلیا ؟ آپ (رض) نے فرمایا : افسوس ! جانتے بھی ہو یہ کون ہے ؟ اس نے کہا نہیں۔ تو آپ (رض) نے فرمایا : یہ وہ عورت ہے اللہ نے سات آسمانوں کے اوپر سے اس کا شکوہ سنا۔ یہ خولہ بنت ثعلبہ ہے اللہ کی قسم ! اگر یہ ازخود ساری رات مجھ سے جدا ہو کر نہ جاتی تو میں بھی یہیں سے نہ ہٹتا حتی کہ اس کی ضرورت پوری ہوجاتی (ابن ابی حاتم، النقض علی بشر المریسی لعثمان بن سعید الدارمی، الاسماء والصفات للبیقی)