Kanz al-Ummal: Hadith 4650

4650: ۔۔ ثمامہ (رح) بن ؟ ؟؟ سے مروی ہے حضرت عمر (رض) اپنے گدھے پر سوار کہیں تشریف لے جا رہے تھے۔ آپ سے ایک عورت نے ملاقات کی اور کہا عمر ! ٹھہریے ! حضرت عمر (رض) رک گئے۔ عورت نے سختی کے ساتھ آپ کے ساتھ بات چیت کی۔ ایک آدمی نے کہا : یا امیر المومنین ! میں نے آج کی طرح کبھی نہیں دیکھا۔ حضرت عمر (رض) نے فرمایا : میں کیوں نہ اس کی بات سنوں ؟ جبکہ اللہ نے اس کی بات سنی اور اس کے بارے میں قرآن نازل کیا جو بھی نازل کیا :
قد سمع اللہ قول التی تجادلک فی زوجھا وتشتکی الی اللہ۔ المجادلۃ :1
جو عورت تم سے اپنے شوہر کے بارے میں بحث و جھگڑا کرتی ہے اور خدا سے (رنج و ملال) کا شکوہ کرتی ہے خدا نے اس کی التجاء سن لی (بخاری فی تاریخہ، ابن مردویہ)