Kanz al-Ummal: Hadith 4924

4924: ۔۔ اوسط (رح) سے مروی ہے کہ حضرت ابوبکر رضی الل عنہ نے ہمیں خطبہ ارشاد فرمایا : پہلے سال رسول اللہ (صلی اللہ علیہ وآلہ وسلم) میری اس جگہ ہمارے درمیان کھڑے ہوئے۔ اور ارشاد فرمایا : اللہ سے معافاۃ یا فرمایا عافیت کا سوال کرو۔ بیشک یقین کے بعد معافاۃ یا عافیت سے بڑھ کر کوئی افضل شی کسی کو نہیں دی گئی۔ تم پر سچائی لازم ہے کیونکہ سچائی نیکی کے ساتھ ہے اور یہ دونوں جنت میں جائیں گی۔ جھوٹ سے بچو، کیونکہ وہ بدی کے ساتھ ہے اور یہ دونوں جہنم میں ہوں گی۔ آپس میں ایک دوسرے سے حسد نہ رکھو، بغض نہ رکھو، قطع تعلقی نہ کرو، پیٹھ پیچھے ایک دوسرے کی برائی نہ کرو۔ اور اللہ کے بندو ! تم بھائی بھائی بن جاؤ جیسا کہ اللہ نے تم کو اس کا حکم دیا ہے۔ (مسند احمد، نسائی، ابن ماجہ، ابن حبان، مستدرک الحاکم)
فائدہ : ۔۔ عافیت اور معافاۃ دونوں کا ایک ہی مطلب ہے دنیا و آخرت میں ہر طرح کی تکلیف اور پریشانی سے نجات۔