Kanz al-Ummal: Hadith 4935

4935: ۔۔ حضرت معاذ بن جبل (رض) سے مروی ہے کہ رسول اللہ (صلی اللہ علیہ وآلہ وسلم) کا ایک شخص پر گذر ہوا جو کہہ رہا تھا : اللھم انی اسالک الصبر۔ اے اللہ ! میں تجھ سے صبر کا سوال کرتا ہوں۔ تو نے تو اللہ سے مصیبت کا سوال کرلیا ہے، عافیت کا سوال کر۔
اسی طرح آپ ایک دوسرے شخص کے پاس سے گذرے جو کہہ رہا تھا۔ اللھم انی اسالک تمام النعمۃ۔ اے اللہ میں تجھ سے کامل نعمت کا سوال کرتا ہوں۔ آپ (صلی اللہ علیہ وآلہ وسلم) نے ارشاد فرمایا :
اے ابن آدم ! جانتا ہے کمال نعمت کیا شئی ہے ؟ اس نے عرض کیا : یا رسول اللہ ! ایک دعا ہے، میں خیر کی امید سے مانگ رہا ہوں۔ حضور (صلی اللہ علیہ وآلہ وسلم) نے فرمایا : کمال نعمت جنت کا دخول اور جہنم سے نجات ہ۔
یونہی حضور (صلی اللہ علیہ وآلہ وسلم) کا ایک شخص کے پاس سے گذر ہوا، جو کہہ رہا تھا، یا ذا الجلال والاکرام۔ حضور (صلی اللہ علیہ وآلہ وسلم) نے فرمایا : تمہارے دعا قبول ہوگی سوال کرو۔ مصنف ابن ابی شیبہ۔