Kanz al-Ummal: Hadith 5083

5083: ۔۔ عمران بن حصین سے مروی ہے کہ حضرت حصین ایمان لانے سے قبل نبی اکرم (صلی اللہ علیہ وآلہ وسلم) کے پاس حاضر ہوئے اور بولے : اے محمد ! آپ مجھے پڑھنے کے لیے کیا بتاتے ہو ؟ حضور (صلی اللہ علیہ وآلہ وسلم) نے فرمایا : تم یہ پڑھو :
اللھم انی اعوذبک من شر نفسی واسالک ان تعزم لی علی ارشد امری۔
اے اللہ میں تیری پناہ مانگتا ہوں اپنے نفس کے شر سے اور تجھ سے سوال کرتا ہوں کہ مجھے سیدھی راہ پر پختہ کردے۔
اس کے بعد حضرت حصین (رض) اسلام لے آئے اور پھر حضور (صلی اللہ علیہ وآلہ وسلم) کی خدمت میں آئے اور عرض کیا : میں نے پہلے بھی آپ سے سوال کیا تھا اور اب دوبارہ پوچھتا ہوں کہ آپ مجھے پڑھنے کے لیے کیا دعا ارشاد فرمائیں۔ تب آپ (صلی اللہ علیہ وآلہ وسلم) نے فرمایا : یہ کہو :
اللہم اعفر لی ما اسررت و ما اعلنت و ما اخطات وما حمدت وما جھلت و ما علمت۔
اے اللہ ! مجھے (میرے سب گناہ) بخش دے جو میں نے پوشیدہ کیے ہوں یا اعلانیہ کیے ہوں، بھوک چوک سے کیے ہوں یا جان بوجھ کر کیے ہوں اور جو میرے علم میں نہ ہوں یا میں ان کو جانتا ہوں۔ مصنف ابن ابی شیبہ۔