Kanz al-Ummal: Hadith 5084

5084: ۔۔ عمران بن حصین (رض) فرماتے ہیں کہ نبی کریم (صلی اللہ علیہ وآلہ وسلم) نے میرے والد حصین (رض) کو فرمایا : اب تم کتنے معبودوں کی عبادت کرتے ہو انھوں نے جواب دیا : سات معبودوں کی۔ چھ زمین میں ہیں اور ایک آسمان میں۔ حضور (صلی اللہ علیہ وآلہ وسلم) نے فرمایا : ان میں سے کس سے امید اور ڈر رکھتے ہو ؟ جواب دیا : جو آسمان میں ہے۔ آپ (صلی اللہ علیہ وآلہ وسلم) نے فرمایا : اے حصین ! اگر تم اسلام لے آؤ تو میں تم کو دو کلمے بتاؤں گا جو تمہارے لیے نفع دہ ثابت ہوں گے۔ پھر حضرت حصین اسلام لے آئے اور نبی اکرم (صلی اللہ علیہ وآلہ وسلم) کے پاس حاضر ہوئے اور عرض کیا : یا رسول اللہ ! مجھے وہ دو کلمے سکھا دیجیے جن کا آپ نے مجھ سے وعدہ فرمایا تھا۔ آپ (صلی اللہ علیہ وآلہ وسلم) نے ارشاد فرمایا : کہو :
اللھم الہمنی رشدی وقنی شر نفسی۔
اے اللہ مجھے میری بھلائی الہام کر اور مجھے میرے نفس کے شر سے بچا۔ الرویانی، ابو نعیم، مستدرک الحاکم۔