Kanz al-Ummal: Hadith 5753

٥٧٥٣۔۔۔ اللہ تعالیٰ سے ایسے حیا کرو جیسا حیا کا حق ہے، جس نے اللہ تعالیٰ سے ایسی حیا کی جیسا اس کا حق تھا تو وہ سر اور اس کے اردگرد کی حفاظت کرے، پیٹ اور جن چیزوں پر پیٹ مشتمل ہے اس کی حفاظت کرے، وہ موت اور بوسیدہ ہونے کو یاد رکھے اور جس کا آخرت کا ارادہ ہو وہ دنیا کی زیب وزینت چھوڑ دے، جس نے یہ کام کرلیے تو اس نے حیا یعنی اللہ تعالیٰ سے جو حیا کرنے کا حق ہے وہ حیا کرلی۔ (مسند احمد، ترمذی، حاکم بیہقی فی شعب الایمان عن ابن مسعود)
تشریح :۔۔۔ سر میں آنکھ زبان اور کان شامل ہیں انھیں گناہوں سے بچاؤ، پیٹ کے اردگرد شرمگاہ ہے ان کی حفاظت، حرام مال کھانے سے حفاظت ، دنیا کی وہ زیب وزینت جس میں حد درجہ کا تکلف اور بناؤ سنگار پایا جاتا ہے مثلاً بیوٹی پارلر میں جا کر چہرے اور بالوں کی درستگی کرنا وغیرہ ، باقی وہ زیب وزینت جو صفائی میں شامل ہے وہ مطلوب ہے تاکہ کوئی بےڈھنگاپن نمایاں نہ ہو، صرف کپڑے، سر کے بالوں کی حفاظت، صحت کا خیال رکھنا یہ سارے امور حکم کے درجہ میں ہیں اس سے آگے بڑھانا مناسب ہے جس کی طرف حدیث بالا میں تفصیل گزر چکی ہے۔