Kanz al-Ummal: Hadith 5958

٥٩٥٨۔۔۔ بندہ اللہ تعالیٰ کی رضا مندیاں تلاش کرتا ہے اور برابر اسی کوشش میں لگا رہتا ہے تو اللہ تعالیٰ فرماتے ہیں : جبرائیل ! میرا فلاں بندہ اس جستجو میں لگا ہوا ہے کہ وہ مجھے راضی کرے، خبردار میری رحمت اس پر ہے، تو جبرائیل (علیہ السلام) عرض کرتے ہیں : فلاں شخص پر اللہ تعالیٰ کی رحمت ہو، اسی بات کو عرش اٹھانے والے اور ان کے آس پاس فرشتے کہتے ہیں، یہاں تک کہ سات آسمانوں والے اسی بات کو کہتے ہیں پھر یہ بات زمین پر اتر آتی ہے۔ (مسند احمد، طبرانی فی الاوسط، سعید بن منصور عن ثوبان
تشریح :۔۔۔ اب بھی اگر کوئی اللہ تعالیٰ کی طرف رخ نہ کرے تو اس سے بڑھ کر بدبخت کون ہوگا ؟ آئیے قارئین اپنے سابقہ گناہوں سے پکی توبہ کرکے اللہ تعالیٰ کی رضا جوئی میں متحد ہوجائیں ۔ (نتوب الی اللہ متابا)