Kanz al-Ummal: Hadith 6231

٦٢٣١۔۔۔ مجھے تو تمہارے متعلق اپنے بعد دنیا کی خوشنمائی اور زینت کا خوف ہے جو تمہارے اوپر کھول دی جائے گی، تو ایک شخص بولا، یا رسول اللہ ! کیا کوئی بھلائی بھی شر پیدا کرسکتی ہے ؟ آپ نے فرمایا : بات یہی ہے کہ بھلائی سے شر پیدا نہیں ہوتا، البتہ موسم بہار کچھ ایسے پودے اگاتی ہے جو پیٹ پھلا کر ہلاک کردیتی یا اس کے قریب پہنچا دیتی ہے صرف سبزہ کھانے والے جانور، کیونکہ وہ اتنا کھاتے ہیں کہ ان کی کوکھیں بھر جاتی ہیں۔ (پھر) وہ سورج کا سامنا کرتے ہیں (جس کی وجہ سے) ان کا پیٹ جاری ہوجاتا ہے اور وہ پیشاب کرتے ہیں اور پھر چرنے لگتے ہیں۔
اور یہ مال بھی سبزو میٹھا ہے ، اور بہتر مال مسلمان کا وہ ہے جو وہ مسکین ، یتیم ، اور مسافر کو دے ، سو جس نے اسے صحیح طریقہ سے لیا اور صحیح جگہ خرچ کیا تو وہ اچھی معاونت (کا سامان) ہے، اور جس نے ناحق لیا تو وہ ایسا ہے جیسا کوئی کھاتا ہو اور سیر نہ ہوتا ہو، اور وہ (مال) قیامت کے روز اس (کے) برخلاف گواہ ہوگا۔ (طبرانی، مسند احمد، بخاری، مسلم، نسائی، ابن ماجہ، ابو یعلی، ابن حبان عن ابی سعید مربرقم ٦١٨٢)