Kanz al-Ummal: Hadith 6232

٦٢٣٢۔۔۔ تمہاری اس وقت کیا حالت ہوگی جب تم رنگ برنگے کھانوں سے سیر ہوگے ؟ لوگوں نے عرض کی : کیا ایسے ہوگا ؟ آپ نے فرمایا : ہاں، تم اس شخص کو پالو گے یا تم میں سے کوئی اسے دیکھ لے گا، اس وقت کیسا حال ہوگا جب تمہارا ایک شخص صبح ایک جوڑے میں شام دوسرے جوڑے میں کرے گا ؟ لوگوں نے عرض کی : کیا یہ بھی ہوگا ؟ آپ نے فرمایا : گویا کہ تم نے اسے پالیا یا تم میں سے کوئی اسے پالے گا، تمہارا اس وقت کیا حال ہو رہا ہوگا جب تم اپنے گھروں کو ایسے ہی پردہ پوش کرو گے جیسے خانہ کعبہ کو کیا جاتا ہے، لوگوں نے عرض کی : کیا کعبہ سے بےرغبتی کی بنا پر ؟ آپ نے فرمایا : نہیں، بلکہ اس زائد مال کے ذریعہ جو تم حاصل کرو گے۔ لوگوں نے عرض کی : کیا ہم آج بہتر ہیں یا اس دن بہتر ہوں گے ؟ آپ نے فرمایا : نہیں، بلکہ تم آج افضل ہو۔ (ھناد عن سعد وابن مسعود)
تشریح :۔۔۔ یہ دور نبوت کے قریب عہد کی بات ہے، جبکہ موجودہ زمانہ میں ان باتوں کو تو معمولی تصور کیا جاتا ہے۔