Kanz al-Ummal: Hadith 6319

٦٣١٩۔۔۔ ثوبان ! اس وقت تمہارا کیا حال ہوگا، جب تم پر امتیں (حملہ کے لیے) ایک دوسرے کو ایسے بلائیں گی جیسے تم کھانے کے برتن پر ایک دوسرے کو بلاتے ہو اور (پھر) اس سے کھاتے ہو ؟ انھوں نے عرض کی : کیا ہماری کمزوری کی وجہ سے آپ نے فرمایا : نہیں تم اس (روز) وقت بہت زیادہ ہوگے، لیکن تمہارے دلوں میں وھن ڈال دیا جائے گا، لوگوں نے عرض کی : یا رسول اللہ ! وھن کیا چیز ہے ؟ آپ نے فرمایا : دنیا سے تمہاری محبت اور قتال (فی سبیل اللہ) سے تمہاری نفرت۔ (بیہقی فی السنن عن ابوہریرہ (رض) )
تشریح :۔۔۔ عصر حاضر میں تمام ممالک اسلامیہ کے پاس کونسی ایسی دولت ہے جو موجود نہیں، مسلمان پوری دنیا سب سے زیادہ ہیں، لیکن تمام کے تمام سلاطین و بادشاہان اس مرض میں مبتلا اور اغیار کے سامنے عاجز و بےدست و پا ہیں۔