Kanz al-Ummal: Hadith 6320

٦٣٢٠۔۔۔ اللہ تعالیٰ نے جب نوح (علیہ السلام) کو ان کی قوم کی طرف مبعوث فرمایا تو اس وقت ان کی عمر اڑھائی سو سال تھی وہ ان میں ساڑھے نو سو سال رہے، اور طوفان کے بعد دو سو پچاس سال (مزید) رہے، پھر جب ان کے پاس موت کا فرشتہ آیا تو اس نے کہا : اے نوح اے سب سے بڑے نبی، اے سب سے لمبی عمر والے، اے مستجاب الدعا آپ نے دنیا کو کیسا پایا ؟
تو انھوں نے فرمایا : اس شخص کی طرح جس کے لیے کوئی گھر بنایا گیا ہو جس کے دو دروازے ہوں، اور وہ ایک دروازے سے داخل ہو کر دوسرے دروازے سے باہر نکل جائے۔ (ابن عساکر بن عبان عن انس)
تشریح :۔۔۔ اب ہر شخص اندازہ لگالے، علامہ سجستانی نے ان لوگوں کے حالات و اقوال پر ایک کتاب لکھی ہے جنہوں نے اس امت میں لمبی لمبی عمریں پائی ہیں، جس کا نام ” المعر ون والوصایا “ ہے۔