Kanz al-Ummal: Hadith 8013

٨٠١٣۔۔۔ اترو اور اس مرادر گدھے کا گوشت کھاؤنا ! ابھی ابھی تم نے اپنے بھائی کی جو غیبت کی ہے وہ اس کے کھانے سے زیادہ سخت ہے اس ذات کی قسم جس کے قبضہ قدرت میں میری جان ہے وہ ابھی جنت کی نہروں میں غوطے لگارہا ہے، یعنی حضرت ماعز (رض) ۔ (ابوداؤدعن ہریرہ (رض) )
تشریح :۔۔۔ آپ (صلی اللہ علیہ وآلہ وسلم) جارہے تھے تو دو شخص آپس میں کہنے لگے اس کو دیکھو ، اللہ تعالیٰ نے اس پر پردہ ڈالا اور اس نے اقرار
کرکے رجم کرالیا اور کتے کی طرح مردیا گیا، آپ (صلی اللہ علیہ وآلہ وسلم) نے فرمایا : اس مردار گدھے کو کھڈ سے نکال کر اس کا گوشت کھاؤ ! وہ کہنے لگے یا رسول اللہ ! مردار کا گوشت بھی کوئی کھاتا ہے ؟ آپ نے فرمایا : تم نے جو ماعز کی غیبت کی ہے یہ اس سے زیادہ سخت ہے۔
اصل کی طرف مراجعت کی گئی تو وہاں لفظ انزلا ہے جسے درست کرلیا گیا ہے، کیونکہ انظر میں سیاق وسباق سے کوئی صحیح ترجمہ نہیں بنتا۔