Kanz al-Ummal: Hadith 8557

٨٥٥٧۔۔۔ ابوسنان الدؤلی سے روایت ہے فرماتے ہیں : وہ حضرت عمر (رض) کے پاس گئے اس وقت آپ کے پاس مہاجرین اولین کی ایک جماعت تشریف فرما تھی، آپ نے ایک ڈبیہ منگوائی جو عراق کے قلعہ سے آئی تھی، اس میں ایک انگوٹھی تھی آپ کے کسی فرزند نے وہ انگوٹھی لے کر اپنے منہ میں ڈال لی، حضرت عمرنے اس بچہ سے وہ انگوٹھی چھین لی، پھر آپ روپڑے، حاضرین میں سے ایک شخص نے آپ سے کہا : آپ کیوں روتے ہیں جبکہ اللہ تعالیٰ نے آپ کو فتح دی، آپ کو دشمن کے مقابلہ میں کامیاب کیا اور آپ کی آنکھ ٹھنڈی کردی ؟ آپ نے فرمایا : میں نے نبی (صلی اللہ علیہ وآلہ وسلم) سے سنا آپ نے فرمایا : جس پر دنیا (کے دروازے) کھل گئے اللہ تعالیٰ قیامت تک ان کے درمیان دشمنی اور بغض ڈال دیں گے ، اور مجھے اسی کا ڈر ہے۔ (مسنداحمد)