Kanz al-Ummal: Hadith 8619

٨٦١٩۔۔۔ حضرت علی (رض) سے روایت ہے فرماتے ہیں : رسول اللہ (صلی اللہ علیہ وآلہ وسلم) نے فرمایا : مجھے جبرائیل نے اپنے رب کی طرف سے آکرکہا : اے محمد (صلی اللہ علیہ وآلہ وسلم) اگر آپ اللہ تعالیٰ کی رات دن ایسی عبادت کرنا چاہتے ہیں جیسا کہ اس کی عبادت کا حق ہے توکہو : الحمدللہ حمدادائما مع خلودہ، والحمدللہ حمدادائما لامنتھی لہ دون مشیئتہ والحمدللہ حمداً دائما لایوالی قائلھا الا رضاہ والحمدللہ حمدًادائما کل طرفۃ عین ونفس نفس
تشریح :۔۔۔ میں اللہ تعالیٰ کی ایسی تعریف کرتا ہوں جو ہمیشہ اس کی ہمیشگی کے ساتھ ہو، اللہ تعالیٰ کی ایسی جو ہمیشہ اس کی ہمیشگی کے ساتھ ہو، اللہ تعالیٰ کی ایسی تعریف جو ہمیشہ ہو جس کی اللہ تعالیٰ مشیت کے علاوہ کوئی انتہا نہیں، اللہ تعالیٰ کی ایسی دائمی تعریف کہ جس کا کہنے والا صرف اللہ تعالیٰ کے قریب ہو اللہ تعالیٰ کی ہمیشہ تعریف جو ہر آنکھ کے جھپکنے اور ہر سانس کے چلنے کے ساتھ ہو۔ (الخرائطی فی الشکر)