Kanz al-Ummal: Hadith 8658

٨٦٥٨۔۔۔ حضرت علی (رض) سے روایت ہے فرمایا : نبی (صلی اللہ علیہ وآلہ وسلم) کے پاس جبرائیل آپ کو لوگوں کو سلام کرنے اور نماز جنازہ پڑھنے کا طریقہ سکھانے آئے، اور کہا : اے محمد ! (صلی اللہ علیہ وآلہ وسلم) اللہ تعالیٰ نے اپنے بندوں پر روزانہ پانچ نمازیں فرمض کی ہیں ، اگر کوئی شخص بیمار ہوا اور کھٹرے ہو کر نماز نہ پڑھ سکے تو بیٹھ کر پڑھے اور اگر اس سے بھی عاجر ہو تو اس کا نگہبان وذمہ دار آئے اور پانچ وقت کی نمازوں کی پانچ تکبیریں کہا کرے، جب وہ مرجائے تو اس کا ذمہ دار اس کی نماز جنازہ پڑھے جس میں پانچ تکبیریں کہے ہر نماز کی جگہ ایک تکبیر یہاں تک کہ اس روز اور رات کی نمازیں پوری ہوجائیں۔
پھر دوسرے دن آپ کو لوگوں سے سلام کرنے کا طریقہ سکھانے لگے، وہ آپ کو مجلسوں کے پاس لے جاکر پھرتے رہے وہ کہتے : محمد (صلی اللہ علیہ وآلہ وسلم) کہو : السلام علیکم و رحمۃ اللہ وبرکاتہ، آپ نے جب یہ کہا تو کہا وہ لوگ کہیں، وعلیکم السلام و رحمۃ اللہ وبرکاتہ ، کیا اے محمد (صلی اللہ علیہ وآلہ وسلم) انھوں نے ہم سے برکت میں فضیلت حاصل کرلی ہے، جب انھوں نے وعلیکم السلام کہا تو ہم اور وہ اجر میں برابر تھے۔
اسی دن سامنے سے آکر ایک شخص نے نبی (صلی اللہ علیہ وآلہ وسلم) کو سلام کہا۔ تو جبرائیل نے آپ سے کہا : محمد (صلی اللہ علیہ وآلہ وسلم) اس کا جواب نہ دو ، دوسرے دن پھر اس نے سلام کیا، تو جبرائیل نے کہا : محمد (صلی اللہ علیہ وآلہ وسلم) جواب نہ دو ، تیسرے دن جب اس نے آپ کو سلام کہا : محمد (صلی اللہ علیہ وآلہ وسلم) اسے جواب دو ۔ آپ اسے سلام کا جواب دے کر جبرائیل کی طرف متوجہ ہوئے کہا : پہلے دو دونوں میں تم نے مجھے اسے سلام کا جواب نہ دینے کا حکم دیا اور اس وقت اسے سلام کا جواب دینے کو کہا اس کی کیا وجہ ہے ؟
جبرائیل نے کہا : جی ہاں اے محمد (صلی اللہ علیہ وآلہ وسلم) آج کی رات اسے سخت بخار ہوا تھا اور صبح اس کے تمام گناہ جھڑ گئے اس واسطے میں نے آپ کو اسے سلام کا جواب دینے کو کہا ہے۔ (ابوالحسن بن معروف فی فضائل نبی ہاشم وفیہ عبدالصمد بن علی العاشمی الامیر ضعفواہ)
تشریح :۔۔۔ اس روایت کی سند ضعیف ہے۔