Kanz al-Ummal: Hadith 8781

٨٧٨١۔۔۔ عمر بن محمد بن سیف، محمد بن محمد بن محمد بن سلیمان ، ابوالطاہر احمد بن عمر وبن السرح، ابن وھب ، عمروبن الحارث، مالک بن انس، اللیث بن سعد ہر دو، یحییٰ بن سعید الانصاری ، محمد بن ابراہیم التیمی ان کے سلسلہ سند میں علقمہ بن وقاص سے رو وایت ہے کہ میں نے حضرت عمر بن خطاب (رض) کو ارشاد فرماتے سنا : کہ رسول اللہ (صلی اللہ علیہ وآلہ وسلم) نے فرمایا : اعمال کا دارومدار نیتوں پر ہے، جس کی ہجرت اللہ تعالیٰ اور اس کے رسول کی طرف ہو تو اس کی ہجرت اسی کی طرف ہے جس کی اس نے نیت کی، اور جس کی ہجرت کسی مال (کے حصول) یا کسی عورت سے شادی کرنے کی ہو تو اس کی ہجرت بھی اس کی نیت پر موقوف ہے۔ (الخلعی فی الخلعیات)