Kanz al-Ummal: Hadith 8782

٨٧٨٢۔۔۔ ابومحمد اسماعیل بن عمرو بن اسماعیل بن راشد المقری ، ابوالقاسم بن عبداللہ بن احمد القرشی ، ابوبکر بن محمد بن زبان الحضرمی ، محمد بن رمح، لیث بن سعد ، یحییٰ بن سعد ، محمد بن ابراہیم بن الحارث، ان کے سلسلہ سند میں علقمہ بن وقاص سے روایت ہے وہ حضرت عمر بن خطاب (رض) سے روایت کرتے ہیں آپ نے فرمایا : میں نے رسول اللہ (صلی اللہ علیہ وآلہ وسلم) کو ارشاد فرماتے سنا : کہ اعمال کا دارومدار نیتوں پر ہے، اور ہر آدمی کے لیے اس کی نیت ہے، جس نے اللہ تعالیٰ اور اس کے رسول کی طرف ہجرت کی تو اس کی ہجرت اللہ تعالیٰ اور اس کے رسول کی طرف ہے اور جس کی ہجرت دنیا کے حصول یا کسی عورت سے نکاح کی غرض سے ہو تو اس کی ہجرت اسی کی طرف ہے جس کے لیے اس نے ہجرت کی۔ (عن الزبیر بن بکار فی اخبار المدینۃ)