Kanz al-Ummal: Hadith 8830

٨٨٣٠۔۔۔ (عمر (رض)) حسن بصری سے روایت ہے حضرت عمر (رض) بیٹھے تھے آپ کے ہاتھ میں کوڑا تھا اور
لوگ آپ کے اردگرد بیٹھے تھے ، اچانک جارود آئے، تو کسی شخص نے کہا، قبیلہ ربیعہ کے یہ سردار ہیں، حضرت عمر اور حاضرین مجلس نے یہ بات سن لی ، خود جارود نے بھی سن لی، وہ جب آپ کے قریب ہوئے تو آپ نے انھیں آہستہ سے کوڑا مارا، انھوں نے کہا : مجھے اور آپ کو کیا ہوا ہے امیرالمومنین ! ؟ آپ نے فرمایا : مجھے اور تمہیں کیا ہوا ہے کیا تم نے یہ بات نہیں سنی، انھوں نے کہا : سنی ہے تو کیا ہے ؟ فرمایا : مجھے اندیشہ ہوا کہ تمہارے دل میں اس بات کی وجہ سے کوئی (عجب اور خودپسندی والی) چیز پیدا ہوئی ہو تو میں نے چاہا کہ تمہارا کچھ مرتبہ کم کردوں۔ (ابن ابی الدنیافی الصمت)