Kanz al-Ummal: Hadith 8863

٨٨٦٣۔۔۔ حضرت انس (رض) سے روایت ہے فرمایا : کی رسول اللہ (صلی اللہ علیہ وآلہ وسلم) نے فرمایا : میری امت کے دو آدمی رب العزت کے سامنے گھٹنوں کے بل بیٹھے ہوں گے، ان میں سے ایک کہے گا : اے میرے رب ! میرے بھائی سے میری مظلومیت کا بدلہ لیں۔ اللہ تعالیٰ فرمائیں گے : تم نے اپنے بھائی کے ساتھ کیا کیا ہے اور اس کی کوئی نیکی باقی نہ بچے گی : وہ کہے گا : اے میرے رب ! ان وہ میرے گناہ اٹھالے، اور وہ دن بڑا سخت ہوگا، لوگ اس بات کے ضرورت مند ہوں گے کہ کوئی ان کا بوجھ اٹھالے۔
تو اللہ تعالیٰ طلبگار سے فرمائیں گے : اپنی آنکھ اٹھا اور دیکھ ، وہ اپنا سر اٹھائے گا، عرض کرے گا : رب توسونے کے شہرنظر آرہے ہیں، اور سونے کے محل جن پر موتیوں کا جڑاؤ ہے یہ کس نبی کے لیے ہیں ؟ یا کس صدیق اور شہید کے لیے ہیں ؟ اللہ تعالیٰ فرمائیں گے : یہ اس کے لیے جس نے قیمت ادا کی، عرض کرے گا : ان کا مالک کون ہے ؟ اللہ تعالیٰ فرمائیں گے : تم ، عرض کرے گا : کیسے ؟ اللہ تعالیٰ فرمائیں گے : اپنے بھائی کو معاف کرنے کی وجہ سے، وہ عرض کرے گا : میرے رب ! میں نے اسے معاف کردیا، اللہ تعالیٰ فرمائیں گے : اپنے بھائی کا ہاتھ پکڑ اور اسے جنت میں داخل کردو۔
اس وقت رسول اللہ (صلی اللہ علیہ وآلہ وسلم) نے فرمایا : اللہ تعالیٰ سے ڈرو اور آپس میں صلح رکھو، کیونکہ اللہ تعالیٰ قیامت کے روز مسلمانوں کے درمیان صلح کرائیں گے۔ (الخرائطی فی مکارم الاخلاق، حاکم وتعقب)