Kanz al-Ummal: Hadith 8864

٨٨٦٤۔۔۔ حضرت انس (رض) سے روایت ہے فرماتے ہیں رسول اللہ (صلی اللہ علیہ وآلہ وسلم) نے فرمایا : قیامت کے روز ایک شخص ، ایک شخص کو لائے گا، عرض کرے گا : ربا ! اس نے مجھ پر ظلم کیا ہے سو آپ میری مظلومیت کا بدلہ لیں، اللہ تعالیٰ اس کے سر پر ایک محل لاکھڑا کریں گے، جس میں آخرت کی بھلائی ہوگی، پھر اس سے کہا جائے گا اپنا سراٹھاؤ، وہ اس میں ایسی چیزیں دیکھے گا جو اس کی آنکھوں نے نہیں دیکھی ہوں گی، عرض کرے گا : میرے رب یہ کس کے لیے ہے ؟ اللہ تعالیٰ فرمائیں گے : جان لو ! یہ اس لیے ہے کہ جو اپنے بھائی کو معاف کردے، عرض کرے گا، میرے رب ! میں نے اسے معاف کردیا۔ (الدیلمی)