Kanz al-Ummal: Hadith 8973

٨٩٧٣۔۔۔ یحییٰ بن سعید سے روایت ہے کہ عبداللہ بن انیس اپنی والدہ سے جو حضرت کعب بن مالک (رض) کی بیٹی ہیں نقل کرتے ہیں، کہ رسول اللہ (صلی اللہ علیہ وآلہ وسلم) کی مسجد میں وہ شعر کہہ رہے تھے، جب آپ کو دیکھا تو چپ سے ہوگئے، تو رسول اللہ (صلی اللہ علیہ وآلہ وسلم) نے فرمایا : تم لوگ کیا کہہ رہے تھے ؟ حضرت کعب نے کہا : میں شعر پڑھ رہا تھا،تو رسول اللہ (صلی اللہ علیہ وآلہ وسلم) نے فرمایا : پڑھو، یہاں تک کہ وہ شعر کو پڑھتے ہوئے جارہے تھے۔
ہم ہر مشکل اور بھنور میں اپنی اصل کی طرف سے قتال کرتے ہیں۔
تو رسول اللہ (صلی اللہ علیہ وآلہ وسلم) نے فرمایا : یوں نہ کہو کہ ہم اپنی اصل کی طرف سے لڑتے ہیں بلکہ ہم اپنے دین کی طرف سے لڑتے ہیں۔ (ابن جریر، عبدالرزاق)