Kanz al-Ummal: Hadith 9022

٩٠٢٢۔۔۔ حضرت ام سلمہ (رض) سے روایت ہے فرماتی ہیں حضرت ابوبکر الصدیق رسول اللہ (صلی اللہ علیہ وآلہ وسلم) کے زمانہ میں تجارت کی غرض سے نکلے آپ کے ساتھ سویبط اور نعمان بھی تھے، نعمان نے (سویبط سے) کہا : سویبط مجھے بھوک لگی ہے کھانا کھلاؤ ! تو انھوں نے کہا : حضرت ابوبکر کے اترنے تک انتظار کرو، تو انھوں نے کھانا کھلانے سے انکار کیا، پھر جب انھوں نے پر اؤ کیا تو نعمان (قریبی) کچھ بدوؤں کے پاس گئے، ان سے کہا : میں تمہارے ہاتھ اپنا غلام بیچنا چاہتا ہوں، اگر وہ تمہیں یہ بتائے کہ میں آزاد ہوں تو تم تصدیق نہ کرنا، چنانچہ انھیں چند اونٹنیوں کے عوض بیچ کر چلتے بنے، وہ لوگ سویبط کے پاس آئے، اور کہنے لگے ہم نے تمہیں خریدلیا ہے، انھوں نے کہا : میں تو آزاد ہوں ، وہ ان کی بات پر متوجہ ہوئے ، وہ انھیں لے گئے اور نعمان کو اونٹنیاں دے دیں۔
حضرت ابوبکر (رض) آئے تو فرمایا : سویبط کہا ہے ؟ کہا میں نے تو اللہ کی قسم اسے بیچ دیا ہے، کہا : کیا تم درست کہہ رہے ہو ؟ کہا : جی ہاں، اور یہ ان کی قیمت ہے جو اونٹنیوں (کی شکل) ہیں، فرمایا : میرے ساتھ آؤ، چنانچہ وہ حضرت ابوبکر کے ساتھ ان کے پاس گئے، حضرت ابوبکر (برابر گفتگو کرتے رہے) یہاں تک انھیں چھڑالیا، اور وہ اونٹیناں واپس کردیں، پھر یہ لوگ رسول اللہ (صلی اللہ علیہ وآلہ وسلم) کے پاس آئے ، تو حضرت ابوبکر (رض) نے آپ کو بتایا تو رسول اللہ (صلی اللہ علیہ وآلہ وسلم) اور آپ کے صحابہ اس واقعہ سے ہنس پڑے۔ (الرویانی وابن مندہ، ابن عساکر)