Kanz al-Ummal: Hadith 9523

9519 ۔۔۔ فرمایا کہ ” بیچنے کے لیے دودھ میں پانی نہ ملاؤ، ایک آدمی نے دودھ لے کر دو گنا چوگنا اضافہ کردیا، پھر ایک بندر خریدا اور سمندر کے سفر پر روانہ ہوا یہاں تک کہ جب گہرے سمندر میں پہنچ گیا تو اللہ تعالیٰ نے بندر کے دل میں دیناروں کی تھیلی کا خیال ڈالا، بندر دیناروں کی تھیلی لے کر بادبان کے ڈنڈے پر چڑھ گیا اور تھیلی کھولی، بندر والا اس کو دیکھ رہا تھا، چنانچہ بندر نے ایک دینار نکالا اور سمندر میں پھینک دیا اور ایک کشتی میں، (اور اسی طرح کرتا رہا۔ مترجم) یہاں تک کہ تمام دینار دو حصوں میں تقسیم کردئیے “۔ (بیھقی فی شعب الایمان بروایت حضرت ابوہریرہ (رض) )
فائدہ :۔۔۔ یہاں گزشتہ امتوں میں سے کسی امت کا تذکرہ مقصود ہے جس میں شراب کی خریدو فروخت جائز ہوگی، جو بہرحال اسلام میں حرام قرار دے دی گئی ہے۔
اور دیناروں کے دو حصوں میں تقسیم کرنے سے مرادیہ ہے کہ جس طرح اس شخص نے دودھ میں ملاوٹ کرکے بیچا
تھا، اسی طرح بندر نے آدھے دینار سمندر میں پھینک دئیے اور آدھے کشتی میں، گویا کہ اس شخص کے ہاتھ میں اتنے ہی دینار آئے جو بغیر پانی ملائے دودھ کی اصل قیمت تھی۔ واللہ اعلم بالصواب۔ (مترجم)