11364 ۔۔۔ ابن ابی ذئب ، روایت کرتے ہیں قاسم بن عباس سے اور وہ بکیر بن عبداللہ الاشج سے اور وہ ابومکر زبامی شام کے ایک شخص سے اور وہ حضرت ابو ہریرہ (رض) سے فرمایا کہ ایک شخص نے عرض کیا یارسول اللہ ! ایک شخص اللہ کے راستے میں جہاد کرنا چاہتا ہے، اور وہ دنیا کا مال مانگتا ہے ؟ تو آپ (صلی اللہ علیہ وآلہ وسلم) نے فرمایا کہ اس کے لیے کوئی اجر نہیں ہے، لوگوں نے اس بات کو بہت برا سمجھا اور اس شخص سے کہنے لگے کہ رسول اللہ (صلی اللہ علیہ وآلہ وسلم) کے پاس واپس جاؤ شاید تو ٹھیک سمجھا نہ ہو، تو اس شخص نے کہا کہ یارسول اللہ ایک شخص اللہ کے راستے میں جہاد کرنا چاہتا ہے اور وہ دنیا کا بھی کچھ مال چاہتا ہے ؟ تو آپ (صلی اللہ علیہ وآلہ وسلم) نے فرمایا کہ اس کے لیے کوئی اجر نہیں، تو لوگوں نے اس بات کو بہت برا سمجھا ، اور شخص سے کہنے لگے کہ رسول اللہ (صلی اللہ علیہ وآلہ وسلم) کے پاس واپس جاؤ، چنانچہ اس نے تیسری مرتبہ عرض کیا کہ ایک شخص اللہ کے راستے میں جہاد کرنا چاہتا ہے اور دنیا کے مال میں سے کچھ چاہتا ہے، تو آپ (صلی اللہ علیہ وآلہ وسلم) نے فرمایا کہ اس کے لیے کوئی اجر نہیں ہے۔