11363 ۔۔۔ ابوالبختری فرماتے ہیں کہ لوگ کوفہ میں ابوالمختار کے ساتھ تھے یعنی مختار بن ابی عبید کے والد کے ساتھ اس طرح کہ جسدابی عبید پر قتل ہوگیا تھا، سو دو آدمیوں کے علاوہ سب قتل ہوگئے اور انھیں بچنے کا موقع مل گیا وہ تین تھے سو وہ مدینہ منورہ آئے ، پھر حضرت عمر (رض) نکلے اور وہ لوگ بیٹھے انہی کا ذکر کررہے تھے حضرت عمر (رض) نے دریافت فرمایا کہ تم نے ان سے کیا کہا تھا ؟ عرض کیا کہ ہم نے ان کے لیے مغفرت مانگی اور دعا مانگی، فرمایا کہ یا تو تم لوگ وہ بات صاف صاف بتادوگے جو تم نے کہی ورنہ میری طرف سے سخت مشکل میں پڑ جاؤگے، انھوں نے عرض کیا کہ ہم نے ان سے کہا تھا کہ وہ لوگ شہداء ہیں فرمایا کہ قسم اس ذات کی جس کے علاوہ کوئی معبود نہیں اور قسم اس ذات کی جس نے محمد (صلی اللہ علیہ وآلہ وسلم) کو حق دے کر بھیجا قیامت بھی اس کے حکم سے قائم ہوگی کوئی زندہ انسان نہیں جانتا کہ اللہ تعالیٰ کے پاس کسی مرنے والے کے لیے کیا ہے علاوہ اللہ کے نبی کے کیونکہ ان کے تو اگلے پچھلے تمام گناہ معاف ہوتے ہیں ، اور قسم اس ذات کی جس کے علاوہ کوئی معبود نہیں اور اس نے محمد (صلی اللہ علیہ وآلہ وسلم) کو حق اور ہدایت دے کر بھیجا ہے اور قیامت بی اس کے حکم سے قائم ہوگی بیشک ایک شخص دکھاوے کی نیت سے قتال کرتا ہے اور ایک شخص غیرت میں قتال کرتا ہے اور ایک شخص دنیا کے لیے قتال کرتا ہے اور ایک شخص مال کے لیے قتال کرتا ہے اور نہیں ہے ان لوگوں کے لیے اللہ کے ہاں کچھ علاوہ ان نیتوں کے جو وہ کرتے تھے “ (الحارث)
ابن حجر نے کہا ہے کہ اس کے روای ثقات ہیں مگر سند منقطع ہے۔