11405 ۔۔۔ ابواسحق کہتے ہیں کہ صالح بن کسی ان نے مجھ سے بیان کیا فرمایا کہ جب حضرت ابوبکر صدیق (رض) نے یزید بن ابی سفیان کو شام بھیجا تو وصیت کرتے ہوئے ان کے ساتھ چلنے لگے اور یزید سوار تھے اور حضرت ابوبکر صدیق اللہ عنہ چل رہے تھے تو یزید نے عرض کیا کہ اے رسول اللہ کے خلیفہ ! یا تو آپ سوار ہوجائیں یا میں اترنا ہوں تو حضرت ابوبکر صدیق (رض) نے فرمایا کہ نہ تو تو اترے گا اور نہ میں سوار ہوں گا ، میں اپنے ان قدموں کو اللہ کے راستے میں گن رہا ہوں ، اے یزید ! تم عنقریب ایسے شہروں میں پہنچوگے، جہاں تمہیں طرح طرح کے کھانے دیئے جائیں گے تو ان میں سے پہلے پر بھی اللہ کا نام لینا اور آخری پر بھی اور تم عنقریب ایسی قوموں کو پاؤگے جنہوں نے خود کو گرجوں میں بند کررکھا ہے سو ان کو اور ان کے مقاصد وہیں چھوڑ دینا جن کے لیے وہ گرجوں میں بند ہوئے ہیں، اور تم اس قوم سے بھی ملوگے کہ شیطان نے ان کے سروں میں اپنے بیٹھنے کے لیے جگہیں بنا رکھی ہیں یعنی چھتریاں سو ایسی گردنوں کو کاٹ ڈالوں، اور بڈھے کھوسٹ کو قتل نہ کرنا نہ عورتوں کو نہ بچوں کو نہ بیماروں کو اور نہ راھبوں کو ، آبادیوں کو تباہ نہ کرنا اور نہ بلا ضرورت کسی درخت کو کاٹنا، اور نہ بلاضرورت کسی جانور کو کاٹنا، اور کھجور کے کسی درخت کو بھی نہ کاٹنا اور نہ انھیں ضائع کرنا، اور ڈھانہ باندھنا، اور نہ بزدلی دکھانا، مال غنیمت میں خیانت نہ کرنا اور یقیناً ضرور بالضرور اللہ تعالیٰ مدد فرمائیں گے غیب سے اس کی جو اس (اللہ) کی اور اس کے رسول مدد کرے بیشک اللہ تعالیٰ طاقت والا اور زبردست ہے اور میں ، تمہیں اللہ کے سپرد کرتا ہوں اور تم پر سلامتی ہو، پھر ابوبکر صدیق (رض) واپس روانہ ہوگئے “۔ (سنن کبری بیھقی)