11527 ۔۔۔ حضرت علی (رض) فرماتے ہیں کہ مجھے رسول اللہ (صلی اللہ علیہ وآلہ وسلم) نے خمس کے خمس پر مقرر فرمایا چنانچہ میں نے اس کو آپ (صلی اللہ علیہ وآلہ وسلم) کی حیات مبارکہ میں تقسیم کردیا، اسی طرح حضرت ابوبکر صدیق اور حضرت فاروق (رض) کی حیات مبارکہ میں حضرت عمر (رض) کے پاس مال لایا گیا، انھوں نے مجھے بلایا اور کہا کہ لے لیجئے، میں نے کہا کہ مجھے ضرورت نہیں، پھر فرمایا کہ لے لیجئے آپ لوگ اس کے زیادہ حق دار ہیں ، میں نے عرض کیا کہ میں اس سے بےنیاز ہوں، تو انھوں نے اس مال کو بیت المال میں جمع کروادیا؛۔ (ابن ابی شیبہ ، ابوداؤد)