11567 ۔۔ رعیہ سحیمی فرماتے ہیں رسول اللہ (صلی اللہ علیہ وآلہ وسلم) نے ان کی طرف خط لکھا تو انھوں نے اس خط کو بطور پیوند کے اپنے ڈول میں لگالیا، اسی دوران رسول اللہ (صلی اللہ علیہ وآلہ وسلم) کا بھیجا ہوا دستہ وہاں سے گزرا تو انھوں نے ان کے اونٹ لے لیے اور یہ مسلمان ہوگئے تو رسول اللہ (صلی اللہ علیہ وآلہ وسلم) نے ان سے فرمایا کہ تقسیم ہونے سے پہلے پہلے جو کچھ تو اپنے مال میں سے پالے توتوہی اس کا زیادہ حق دار ہے “۔ (مسند احمد عبدالرزاق)