11568 ۔۔۔ امام شعبی فرماتے ہیں کہ رسول اللہ (صلی اللہ علیہ وآلہ وسلم) نے رعتہ کی طرف خط لکھا ، رعیۃ نے رسول اللہ (صلی اللہ علیہ وآلہ وسلم) کے خط وک لے کر اپنے ڈول میں بطور پیوند استعمال کرلیا چنانچہ رسول اللہ (صلی اللہ علیہ وآلہ وسلم) نے ایک دستہ روانہ فرمایا، اس دستے والوں نے رعیۃ سحیمی اہل و عیال اور مال کو پکڑلیا اور رعیۃ اپنے گھوڑے پر نکلنے میں کامیاب ہوگئے وہ بالکل بےلباس تھے ان کے جسم پر کچھ نہ تھا، وہ اپنی بیٹی کے گھر آئے جس کی شادی بنوھلال میں ہوئی تھی اور بنوھلال کے ساتھ ساتھ ان کی بیٹی بھی مسلمان ہوچکی تھی اور اس وقت قبیلے والے ان کی بیٹی ہی کے ضمن میں بیٹھے تھے، چنانچہ رعیہ گھر کی پچھلی طرف سے آئے جب ان کی بیٹی نے ان کو بےلباس دیکھا تو ایک کپڑا دیا اور پوچھا کہ آپ کو کیا ہوا، انھوں نے کہا کہ تمام برائیاں تیرے باپ پر نازل ہوگئیں نہ میرا مال چھوڑا گیا اور نہ گھر والے ، پھر اپنی بیٹی سے پوچھا کہ تیرا شوہر کہاں ہے ؟ کہا کہ اونٹوں میں ہے چنانچہ رعیہ اپنے داماد کے پاس آئے اور اس کو تفصیل بتائی داماد نے کہا کہ میری بیٹی سے پوچھا کہ تیرا شوہر کہاں ہے ؟ کہا کہ اونٹوں میں ہے چنانچہ رعیہ اپنے داماد کے پاس ہوگئیں نہ میرا مال چھوڑا گیا اور نہ گھر والے، پھر اپنی بیٹی سے پوچھا کہ تیرا شوہر کہاں ہے ؟ کہا کہ اونٹوں میں ہے چنانچہ عریہ اپنے داماد کے پاس آئے اور اس کو تفصیل بتائی داماد نے کہا کہ میری سواری لے لیں ، زادراہ کے طور پر آپ کو دودھ بھی دیں گے، رعیہ نے کہا کہ مجھے اس کی ضرورت نہیں بلکہ مجھے چرواہے کی لکڑی اور پانی وغیرہ کا سامان (دو میں) فوراً محمد (صلی اللہ علیہ وآلہ وسلم) کے پاس جاؤں کہیں میرے اھل اور مال کو تقسیم ہی نہ کردیں ، اور چل پڑے اور ان کے پاس جو کپڑا اس سے جب چھپائے توسرین ننگے ہوجاتی اور سرین ڈھانپتے تو سرننگا ہوجاتا ، بہرحال چل پڑے اور رات کے وقت مدینہ منورہ پہنچے اور رسول اللہ (صلی اللہ علیہ وآلہ وسلم) کے سامنے تھے، جب رسول اللہ (صلی اللہ علیہ وآلہ وسلم) فجر کی نماز پڑھاچکے تو رعیہ نے عرض کیا کہ یارسول اللہ (صلی اللہ علیہ وآلہ وسلم) اپنا ہاتھ بڑھایئے تاکہ میں بیعت کرلوں ، رسول اللہ (صلی اللہ علیہ وآلہ وسلم) نے ہاتھ بڑھایا، جب رعیہ پاتھ بڑھانے لگے تو رسول اللہ (صلی اللہ علیہ وآلہ وسلم) نے اپنا دست مبارک واپس کھینچ لیا، رعیہ نے پھر کہا یارسول اللہ (صلی اللہ علیہ وآلہ وسلم) ! اپنا دست مبارک بڑھایئے رسول اللہ (صلی اللہ علیہ وآلہ وسلم) نے دریافت فرمایا کہ تم کون ہو ؟ جواب میں عرض کیا کہ رعیہ سحیمی ، تو رسول اللہ (صلی اللہ علیہ وآلہ وسلم) نے ان کو بازو سے پکڑلیا اور بلند کیا پھر فرمایا کہ اے لوگو ! یہ رعیہ سحیمی ہے جس کی طرف میں نے خط لکھا تھا اور اس نے میرے خط کو پیوند بنالیا تھا اب مسلمان ہوگیا ہے، رعیہ نے پھر عرض کیا یارسول اللہ ! میرے گھر والے اور میرا مال ، رسول اللہ (صلی اللہ علیہ وآلہ وسلم) نے فرمایا کہ تیرا مال تو مسلمانوں میں تقسیم ہوگیا، رہے تیرے گھر والے تو دیکھو جو ملتا ہے لے لو، رعتہ کہتے ہیں کہ میں نکلاتو میں نے دیکھا کہ میرا بیٹا کھڑا ہے اور سواری کو پہچان لیا ہے اور اس کے پاس ہی کھڑا ہے، چنانچہ میں رسول اللہ (صلی اللہ علیہ وآلہ وسلم) کی خدمت میں حاضر ہوا اور عرض کیا کہ یہ میرا بیٹا ہے تو آپ (صلی اللہ علیہ وآلہ وسلم) نے حضرت بلال (رض) کو میرے ساتھ روانہ فرمایا، انھوں نے جاکر پوچھا کہ کیا یہی تیرا باپ ہے ؟ اس نے کو جی ہاں چنانچہ اس کو میرے حوالے کردیا ، پھر حضرت بلال (رض) رسول اللہ (صلی اللہ علیہ وآلہ وسلم) کے پاس آئے اور عرض کیا کہ خدا کی قسم ان میں سے ایک کو بھی میں نے دوسرے کے لیے آنسو بہاتے نہیں دیکھا تو رسول اللہ (صلی اللہ علیہ وآلہ وسلم) نے فرمایا کہ یہ تو دیہاتیوں کی سخت دلی ہے “۔ (مصنف ابن ابی شیبہ)