11748 ۔۔۔ یحییٰ بن سعید اپنے والد سے روایت کرتے ہیں کہ حضرت عمر (رض) نے عبداللہ بن الارقم (رض) سے فرمایا کہ مسلمانوں کے بیت المال کا مال ہر ماہ ایک مرتبہ تقسیم کیا کرو، مسلمانوں کا مال ہر جمعہ تقسیم کیا کرو، پھر فرمایا کہ مسلمانوں کے بیت المال کا مال ہر روز ایک مرتبہ تقسیم کیا کرو، تو قوم کے ایک شخص نے عرض کیا کہ اے امیرالمومنین اگر آپ مسلمانوں کے بیت المال میں کچھ باقی رکھیں جو کسی مصیبت میں یا کسی باہر کے کام میں کام آجائے، تو حضرت عمر (رض) نے اس شخص سے فرمایا کہ تیری زبان پر شیطان جاری ہوگیا ہے اللہ تعالیٰ نے اس کی حجت مجھے القا فرمادی اور اس کے شر سے مجھے بچالیا، میں نے بھی اس کے لیے وہی تیار کررکھا ہے جو رسول اللہ (صلی اللہ علیہ وآلہ وسلم) نے تیار کر رکھا تھا یعنی اللہ عزوجل کے رسول (صلی اللہ علیہ وآلہ وسلم) کی اطاعت “۔ (سنن کبری بیھقی)